Тылсым жырдың, Салқын, саумал сертінен. Айыға алмай елтіген, Назаланып нәзік жүрек. Бұлқынса, Жырмен ғана серпілген. Лас тірлік, Тұншықтырса торында, Қалам алам қолыма. Мөлтілдейді жыр-лағыл, Егізімдей торыға. Сатылмайтын, өлшенбейтін Ақшамен, Есептеспей жасайтұғын Тасқа да ем. Ізгіліктің ізін іздеп кейде мен, Тілдесемін аспанмен. ...Өмір неткен Өлеңімдей астарлы ең. Күн күлімдеп, Ай сәулесін шашқанмен. Қанағатсыз жылт етеді бір үміт, Шіркін, шіркін... Бәрін қайта бастар ма ем. Емделдік қой, Барлығынан десек те... Пенделік қой Қызғаныш та, өсек те. Бар-жоқпенен бағалау да, Алалау да бар бүгін. ...өміріңді өзің гүлде, Өрнекте! Өз сиясы, өз бояуы Әр күннің. Өз тағдыры, өз өмірі Әркімнің. Қарлығаш – жыр қанатына ілініп, Ұшып келем, ұшып келем, Ақырын! Мейіркүл Әбжанқызы. Меркі ауданы.