Іс - шара барысында арнайы шақырылған қонақтар көпшілікті мерекемен құттықтап, ақ тілектерін білдірді. Кітапхана қызметкерлері қазақ халқының көне дәстүрлерінің бірі – тұсау кесер рәсімін көрсетті.

Сонымен қатар облыстық қорғаныс істері жөніндегі департаментінің қызметкерлері «Сәукеле кигізу» дәстүрінен көрініс көрсетіп, ұлттық өнердің мән-маңызын айшықтай түсті.

Мерекелік кешке Жамбыл ауданы бойынша Шекара басқармасының мерзімді әскери қызметкерлері арнайы қатысып, ұлттық рухты дәріптеген мәдени іс-шараға өз үлестерін қосты. Сарбаздардың қатысуы – мерекенің мазмұнын айқын көрсетіп, әскери ұжымның қоғаммен тығыз байланысын тағы бір мәрте дәлелдеді.

Ән мен күйге толы Наурыз кеші қатысушыларға көтеріңкі көңіл-күй сыйлап, ұлттық дәстүр мен бірліктің қастерлі құндылығын насихаттады.