90 жастағы кейуана ел өміріндегі маңызды саяси науқаннан қалыс қалмай, азаматтық белсенділік танытты. Оның айтуынша, мұндай маңызды шаралар ел болашағы үшін ерекше мәнге ие.

– Мұндай ресми шара ел болашағы үшін аса маңызды. Халықпен санасып, халық үніне құлақ асып, жүйелі жұмыс жүргізіп жатқан ел азаматтарына алғыс айтамын. Ең бастысы – елімізде тыныш заман болсын. Біз көрген қиындық пен ауыртпалықты тәуелсіз еліміздің жас ұрпағы көрмесін, – деп Дариха Беркімбайқызы ақ батасын берді.

Айта кетейік, Жамбыл облысындағы 513 референдум учаскесі сағат 20:00-ге дейін жұмыс істейді.