Қазіргі кезеңде елімізде ауқымды саяси және әлеуметтік жаңғыру жолында жасалып жатқан ісқимылдарға байланысты Ел Президенті Қасым-Жомарт Тоқаев көшбасшы болған реформалар жер-жерде жанжақты талқылануда. Бұл бағыттың басты мақсаты – халық үніне құлақ асатын әділетті мемлекет қалыптастыру. Бұл бағыттағы өзгерістер қоғам өмірінің барлық саласын қамтып отыр. Осы тұрғыда ақпараттың шынайылығы өте маңызды. Осыған орай, бұқаралық ақпарат құралдары мен Журналистер клубы өкілдерінің ықпалы ерекше болғандықтан бүгін Астана қаласының Достық үйінде «Қоғамдық келісім» РММ ұйымдастыруымен Қазақстан халқы Ассамблеясы «Жаңа Конституция – елдің стратегиялық даму бағыты» тақырыбында Zoom платформасында Журналистер клубының ауқымды отырысы өтті.
Отырысқа ҚХА Журналистер клубының өкілдері, этникалық БАҚ редакторлары, баспасөз қызметінің қызметкерлері, сондай-ақ аймақтардан онлайн форматта өңірлер қатарында облыстық ҚХА журналистер клубының төрағасы Марат Құлибаев және клуб мүшелері, «Қоғамдық келісім» КММ «Ақпараттық жұмыс және қоғаммен байланыс» бөлімінің қызметкерлері қатысты.
Кездесуді республикалық Парламент Сенатының депутаты, ҚХА Журналистер клубының төрағасы Алишер Сатвалдиев модератор ретінде ашып, конференцияның мақсат-міндеттерімен таныстырды.
Іс-шара барысында Жаңа Конституцияның ел дамуының стратегиялық бағыттарын айқындаудағы рөлі, қоғамдық келісім мен жалпыұлттық бірлікті нығайтудағы маңызы кеңінен талқыланды. Конституциялық реформалардың жүзеге асырылуы, азаматтық қоғам институттарының белсенділігі және ақпараттық-түсіндіру жұмыстарының тиімділігі туралы сөз болды.
Жиын барысында «Қолданбалы этносаяси зерттеулер» институты директорының орынбасары ҒалиДінмұхаммед Әзімбайұлы диалог мәдениетін нығайтудағы медиа саласы мамандарының атқаратын рөлі жөнінде ҚХА Төрағасының орынбасары Дмитрий Останькович Конституция жобасына тиесілі адам құқықтары мен еркіндіктері жауапкершіліктерінің басты аспектілерімен таныстырды.
Бибігүл ШАХЗАДА
өңірлік ҚХА Баспасөз қызметі хатшысы,
«Ақпараттық жұмыс және қоғаммен байланыс» бөлімінің бас сарапшысы.
Ұқсас жаңалықтар
