Кітапханалық-ақпараттық орталықтың №6 оқу залы мен «Музыка және көркемдік білім» кафедрасы студенттерінің ұйымдастыруымен қазақтың қара өлеңін кие тұтқан, асыл жырларымен туған елі мен әлем халықтарының махаббатына бөленген жыр алыбы Жамбыл Жабаев 180 жасқа толуына орай «Жырдан жаралған тұлға» атты әдеби кеш өтті. Әдеби кештің мақсаты – ақын мұрасын кеңінен насихаттау, оқырман қауымға оның шығармашылығы мен дүние танымын таныстыру, рухани құндылықтарды дәріптеу.
Әдеби кеш ақын өмірі мен шығармашылығы туралы кино көрсетуден басталды. Ақынның өмірі жайлы үзіндіде Жамбылдың 14 жасында жырдың пірі Сүйінбай ақыннан бата алғаны мен Сүйінбайдың өз домбырасын Жамбылға тарту еткен тұсы, Жамбыл мен Құлмамбет айтысы экранда көрсетілді. Сахнада «Музыка және көркемдік білім» кафедрасының 2 курс студенттері Рысбай Мейрамбек, Амангелді Ұлан, Абдуалиев Диас, Шарден Асылай, Асан Расул, ақын өлеңдерін оқып «Жамбыл оқуларын» насихаттап, домбыра аспабының құлағында ойнады. Сонымен қатар жиында Жамбылдың Ұлы Отан Соғыс жылдарында жазылған «Ленинградтық өренім» өлеңіне арнайы сюжеттер көрсетілді.
Гүлсара БАҚБЕРДИЕВА
М.Х.Дулати атындағы Тараз университетінің Кітапханалық-ақпараттық орталығының «Қорды ұйымдастыру және сақтау» бөлімінің басшысы.
Ұқсас жаңалықтар
