Облыс әкімінің орынбасары Алтай Әлінің төрағалығымен өткен кеңесте жаңа Конституция жобасына қатысты жауапкершілік ендігі жерде тек билікте ғана емес, бүгінгі қоғамның әрбір мүшесіне де жүктелетіні кеңінен сөз болды. Жалпы, жиын барысында Мемлекет басшысы Қасым-Жомарт Тоқаевтың әділдік пен біртұтастыққа, заң мен тәртіпке негізделген ауқымды реформаларының өміршеңдігі жан-жақты сараланды. Ал басқосуға облыс әкімдігіне қарасты түрлі басқарманың басшылары мен аудан әкімдерінің орынбасарлары қатысты. Алтай Сембекұлының айтуынша, жаңа Конституцияның елді біріктіретін күшке айналуы үшін қарапайым жұртшылық арасында тиісті түсіндірме жұмыстарын жүргізудің маңызы зор.
– Қазіргі таңда елімізде ауқымды саяси өзгерістер жүзеге асырылып жатқанын көпшілік жақсы біледі. Бұл үдерістер Конституцияның жаңа жобасын талқылаумен тығыз байланысты. Ата Заңның жаңа редакциясындағы өзгерістер мемлекеттің адамға деген жауапкершілігін күшейтіп, қоғамдағы маңызды құндылықтар мен қағидаттарды нақтылауға, саяси институттардың жұмысын жетілдіруге негіз қа лайды. Жа лпыұлттық диалог алаңы ретінде Қазақстанның Халық Кеңесі ұсынылып отыр. Бұл бастама бұрынғы Қазақстан халқы Ассамблеясы ұғымымен сабақтасып, құрылтайдың стратегиялық міндеттерін жалғастыруды көздейді. Жобада қалыптасқан мемлекеттік құрылымды нығайту, еліміздің халықаралық беделін арттыру, адами капиталды, білім мен ғылымды, инновацияларды дамытуға қатысты басымдықт ар көрініс т апқан. Қазіргі таңда Конституцияның жаңа жобасын өңір тұрғындарына кеңінен түсіндіру жұмыстары жан-жақты жүргізіліп жатыр, – деді облыс әкімінің орынбасары.
Жиын соңында Алтай Әлі халыққа осынау елдік бастаманың мән-маңызын жеткізу – әрбір белсенді азаматтың ортақ ісіне айналуы қажеттігін баса айтып, жауаптыларға тұрғындар арасында түсіндіру жұмыстарын жүргізуді жүктеді. Өз кезегінде қатысушылар да жаңартылған Конституция жобасының мемлекеттік институттардың қоғам алдындағы жауапкершілігін арттыруда айрықша рөлге ие екендігін жеткізді.
Есен ӨТЕУЛІ
Ұқсас жаңалықтар
