Кейінгі жылдары концерт, үлкен кештерде әннің авторларын айтпай, тек орындаушыны ғана айта салатын ауруға ұшырадық. Бұрындары қай күй кімдікі, өлең кімдікі, әні кімдікі айтылып жататын. Бұл, әрине адамды қынжылтады. Біз баяғы халық әні деп жүрген, біраз әндеріміздің авторлары табылып, иесін тауып жатыр.
Жасыратыны жоқ, ел ішінде авторлары ұмытылған халық әндері көп. Ол бүгінгі заманда да орын алуда. Осы орайда айта кету керек, белгілі әнші Жәнібек Кәрменовке рақмет, сөздерін кітапқа жазып, біздің көзімізді ашып кетті. Ал енді кейбіреулер біреудің әнін біреуге теліп, сөзін біреудікі деп айтып жүргендер қаншама?
Осыны айтсаң, кейбіреулер мән бермейді. Бұл дұрыс па? Әнді де, оның сөзін де көп адам немесе халық жиналып отырып шығармайды ғой, әрқайсысының өзіндік авторы болады, егер аталмай қалса, халық әні дей салу оңай. Ал енді сіздер не дейсіздер, ағайындар.
Мен мұны әр жерде айтып жүрмін.
Бақтыгүл ӘБДІБАЙҚЫЗЫ
көпбалалы ана, зейнеткер.
Байзақ ауданы
Ұқсас жаңалықтар
