Мекеме әкімшілігінің қолдауымен өткен шара барысында арнайы контингент өкілдері концерттік бағдарлама аясында өз өнерлерін ортаға салды. Бұл күні сотты болған азаматтар жаңа жылдық қойылым қойып, бір-бірін мерекемен құттықтады. Өз кезегінде аталған шара оларға көтеріңкі көңіл күй мен ерекше әсер сыйлады.

– Сотты болған азаматтардың мәдени және спорттық шараларға белсене қатысуы – ҚАЖ қызметіндегі профилактикалық әрі тәрбие жұмысының маңызды құрамдас бөлігі саналады. Мереке қарсаңында мұндай шаралардың ұйымдастырылуы – жазасын өтеушілердің бойындағы әлеуметтік құндылықтарды нығайтуға сондай-ақ қоғамда қылмыстық-атқару жүйесінің оң имиджін қалыптастыруға ықпал етеді, – делінген ақпаратта.

Өз кезегінде жазасын өтеуші азаматтар жаңа жыл қарсаңында көрсетілген дәл мұндай қолдау болашаққа деген сенімді арттыратынын айтып, өңірлік департамент басшылығына алғыстарын білдірді.