Парламент Сенатының депутаты Бекболат Орынбеков Тараз қалалық мәслихат депутаттарымен кездесу өткізіп, жаңа Бюджеттік кодекске, салық кодексіне енгізілген өзгерістерге кеңінен тоқталды.
Жаңа Бюджеттік кодекс аясында жергілікті бюджеттердің өкілеттіктері кеңейіп, бюджеттік жо спарлау мен қаржы қаражатын жұмсауда ашықтық пен нәтижеге бағдарланған тәсіл күшейтілетіні айтылды. Сонымен қатар мәслихаттардың бюджет проце сіндегі рөлі артып, бөлінген қаражаттың мақсатты әрі тиімді игерілуіне бақылау күшейтіледі.
Бекболат Орынбековтің айтуынша, бюджет және салық кодекстеріндегі бұл өзгерістер өңірлердің өз кірістерін арттыруына, әлеуметтік міндеттемелердің уақытылы орындалуына және экономикалық белсенділікті ынталандыруға мүмкіндік береді.
Кездесу соңында мәслихат депутаттары көтерілген мәселелер бойынша пікір алмасып, заңнамалық өзгерістердің жергілікті деңгейде тиімді іске асуына қатысты ұсыныстарын білдірді. Сонымен қатар іссапар аясында сенатор Тараз қаласындағы 15-шағын ауданды аралап, облыстық кірістер департаменті қызметкерлерімен кездесті.
Aq jol-Aqparat
Ұқсас жаңалықтар
