Өңір басшысы қоғамдық тәртіп пен азаматтық жауапкершілікті арттыруға үлес қосып жүрген тараздықтарға алғыс айтты. Шара барысында облыстық спорт ардагерлері кеңесінің төрағасы Тәуірбек Қарауылтегі тұрғындарды белсенді өмір сүру салтын ұстануға шақырды. Велошеруге 300-ден астам адам қатысты.

Жарыс жолы «Достық» алаңынан басталып, «Қазақ хандығы» монументіне дейінгі 7 шақырымдық қашықтықты қамтыды. Мәреге алғаш жеткендерге кубок, медаль және естелік сыйлықтар табыс етілді. Айта кетейік, соңғы жылдары өңірде велоспорт қарқынды дамып келеді.

Қазіргі таңда 7 жаттықтырушы мен 130 спортшы тұрақты түрде дайындалып, ел намысын абыроймен қорғап жүр.

Облыс әкімінің баспасөз қызметі.