Аталған акция Қазақстандағы кәсіподақ қозғалысының 120 жылдығына және Кәсіподақтар федерациясының 35 жылдық мерейтойына орай ұйымдастырылды. Іс-шараның негізгі мақсаты – еліміздегі экологиялық жағдайды жақсартуға үлес қосу, қалалық ортаны абаттандыру, сондай-ақ қоршаған ортаны қорғау мен әрбір азаматтың экологиялық жауапкершілігін арттыруға қоғам назарын аудару.

Тараз қаласында аталған акция аясында кәсіподақ мүшелері ағаш көшеттерін отырғызып, кәсіподақ ғимаратына іргелес аумақ пен Көшек батыр көшесі, 3 мекенжайындағы скверді тазалап, абаттандыру жұмыстарын жүргізді. Іс-шараға 6 салалық кәсіподақтың 21 бастауыш ұйымынан 130 адам қатысты.

Белгіленген күні еліміздің барлық өңірлерінде Кәсіподақтар федерациясының мүшелік ұйымдары «Таза Қазақстан – болашақ үшін» ұранымен кең ауқымды экологиялық акцияға қосылып, өз аймақтарында көгалдандыру және тазалық жұмыстары бойынша іс-шаралар өткізді.

Aq jol-Aqparat