Бұл әсерлі кездесуді Оқу-ағарту министрі Ғани Бейсембаев өз әлеуметтік парақшасында былай жеткізеді: «Кеше мен үшін аса маңызды әрі айрықша жүздесу болды. Әр оқырманымның есінде болар, осыдан біраз уақыт бұрын «Министрге хат» атты игі бастама көтерілген еді. Бар-жоғы бір айдың ішінде еліміздің түкпіртүкпіріндегі балалардан 235 хат түскенін айтқан болатынмын» деп атап өтті.

«Әр хатты оқыған сайын шынайылыққа, мейірімге, үмітке толы балалық шақтың үні естілгендей еді. Солардың ішінде бір хат менің жанымды айрықша толқытқанын білесіздер. Жазған әр жолынан өмірге деген құштарлық пен рух биіктігі сезілгендіктен, мен бұл хаттың авторымен жеке жүздесуді жөн көрдім . Осылайша , Тараз қаласындағы №66 мектептің оқушысы Артем Погореловты елордаға арнайы қонаққа шақырдым.

Артем де еліміздегі 3,9 миллион бала сияқты жаңа оқу жылын асыға күткен өрен. Ол әңгімесін бастаған сәттен - ақ мектебін , ұстаздарын, достарын қалай сағынғанын ерекше шабытпен жеткізді. Оның тағдыр жолында кездескен қиындықтарға мойымаған қайс арлығы, ойының сергектігі мен болашаққа деген сенімі маған ерекше әсер етті.

Биыл Артем сегізінші сыныпта оқиды, әр ойын саралап, сөзін салмақтап жеткізетін парасат иесі болып өсіп келеді екен. Қазақ тілін ерекше сүйіп оқитынын мақтанышпен айтты. Ұлттың ұлылары Абай мен Мұқағалидың жырларын жатқа оқып қана қоймай , қазақ классиктерінің шығармаларын жастар арасында кеңінен насихаттау туралы идеясымен мені қуантты әрі таңғалдырды.

Оның зеректігіне тәнті болып, Абай және халқымыздың т а р и х ы н а н с ы р ш е рт е т і н шежірелі кітаптарды сыйға тарттым. Ал қазақ үшін киелі қара домбыраны ұсынған сәтте, Артемнің қуанғанын байқадым, ол көптен бері домбыра тартуды армандап жүрген екен.

Сол күні біз әке мен баладай с ы р б ө л і с т і к . А р т е м н і ң ұстаздарына деген шынайы ілтипаты, болашаққа деген үміті мен жігері жанымды жадыратты. Үздіксіз қасымда жүрсе де, бір сәтке де байыптылығынан танбаған Артем қоштасар сәтте «Уақытыңызды бөліп, мені тыңдағаныңыз үшін рақмет. Бұл менің өмірімдегі ең маңызды кездесулердің бірі болды», – деді. Бұл сөздер менің жүрегімде мәңгілікке сақталары анық.

Артем, балам! Шын жүректен сөйлеп, жас ұрпақтың саналы, парасатты, жігерлі екенін өз үлгіңмен дәлелдегенің үшін, б о л а ш а қ қ а а р н а ғ а н б и і к мақсаттарыңмен бөліскенің үшін, аға буынға сенім артқаның үшін саған алғыс айтамын. Біз сендердің сол сенімдеріңді а қ т ау ү ш і н ж ә н е ж а р қ ы н болашақтарыңды қамтамасыз ету үшін бүгін де, ертең де бар күшімізді саламыз.

Акция аясында келіп түскен хаттардың барлығына дерлік жауап берілуде. Ал кейбір хат иелерімен мен өңірлерге жұмыс сапарымның барысында жеке кездесіп, сұхбаттасуды жоспарлап отырмын. Қорытындылай келе, Артемнің бойына еліміздің түп тарихына деген құрмет пен сүйіспеншілікті сіңіре білген ұстаздарына айрықша алғысымды білдіргім келеді», – депті министр.

Ал Артем Погорелов бұл кездесудің өзі үшін де тосыннан болғанын, бұлай болады деп ойламағанын айтады. «Хат жазғанда басында оқиды деп ойлаған жоқпын. Соның өзінде жаздым. Министрмен болған кездесу менің көзқарасымды, ойымды өзгертті. Алда оқуымды жақсы оқып, ел тұтқасын ұстар азамат болғым келеді. Ғани аға қазақтың қара домбырасын сыйға тартқанда қатты тебірендім. Осы ұлттық аспапта ойнасам деген менің арман тілегімнің бір қадам болса да жақындай түскеніне қуандым. Еліміздің жүрегі – Астана маған қатты ұнады. Іштей оқуымды бітірген соң Астана қаласындағы жоғары оқу орнына түсемін деп шештім. Еліміздің Оқу-ағарту министрімен болған кездесуім, жылы жүздесуім менің есімде ұзақ сақталады», – дейді Артем Погорелов.

Марат ҚҰЛИБАЕВ