Төтенше жағдайлар министрінің бастамасымен еліміз бойынша жүзеге асырылып жатқан «Ауыл құтқарушылары» бағдарламасы аясында Байзақ ауданының Кеңес ауылында жергілікті өрт сөндіру бекетін қолдау, жаңарту және оның материалдық-техникалық базасын нығайту шарасы өтті.
Облыстық төтенше жағдайлар департаменті мен аудан әкімдігінің басшылығы қатысқан шарада ерiктi өрт сөндірушілерге арнайы киім мен жабдықтар табысталды. Сондай-ақ өрт сөндіру техникасы көрсетіліп, жаңғыртудан кейінгі нәтижелер таныстырылды.
Сонымен қатар ауыл тұрғындарына «Ауыл құтқарушылары» бағдарламасының мақсаты мен міндеттері бойынша түсіндіру жұмыстары жүргізілді. Аталған бағдарлама Мемлекет басшысының қолдауымен жүзеге асырылып, ауылдық жерлердегі қауіпсіздік деңгейін арттыруға бағытталған.
Жүрсінгүл ЖАҚЫП
Ұқсас жаңалықтар
