14 маусым –  Дүниежүзілік қан донорлары күні. Бұл күн – адам өмірін сақтауға өз үлесін қосып жүрген ерікті қан донорларына алғыс білдірудің және қан тапсырудың маңыздылығын насихаттаудың маңызды мүмкіндігі.

Осыған орайда Жамбыл облысы бойынша Қылмыстық-атқару жүйесі департаментіне қарасты №59 мекемесінің қызметкерлері игі бастамаға атсалысып, қан тапсыру акциясына белсене қатысты. Акцияның басты мақсаты – мұқтаж жандарға көмек көрсету, сонымен қатар қоғамда донор болудың маңыздылығын арттыру.

Іс-шара аясында мекеме қызметкерлері Тараз қаласындағы қан орталығында болып, өз еріктерімен қан тапсырды. Бұл – тек азаматтық жауапкершілікті көрсетіп қана қоймай, адамдардың өмірін сақтап қалуға бағытталған игілікті әрекет.

№59 мекеме басшылығының айтуынша, мұндай шаралар алдағы уақытта да тұрақты түрде ұйымдастырылып отырады. Бұл – тек денсаулық сақтау саласына қосқан үлес емес, сонымен қатар ізгілік пен адамгершіліктің жарқын көрінісі.