Сыбайлас жемқорлық – бұл мемлекеттік қызметте немесе басқа да билік құрылымдарында қызметкерлердің жеке мүдде мен пайда көру мақсатында өз қызметтік өкілеттіктерін асыра пайдалануы, сондай-ақ заңсыз төлемдер алу немесе беру әрекеттері.
Бұл әлеуметтік дерт барлық қоғамның дамуына зиян келтіріп, демократиялық құндылықтарға нұқсан келтіреді. Сондықтан сыбайлас жемқорлықпен күрес маңызды мемлекеттік міндетке айналды.
Сыбайлас жемқорлық қоғамдық қауіпсіздік пен тұрақтылыққа, әлеуметтік әділдікке нұқсан келтіреді. Ол азаматтардың мемлекеттік органдарға және билікке деген сенімін жоғалтуға алып келеді. Сонымен қатар, жемқорлық экономиканы әлсіретіп, инвестициялық климатты нашарлатады.
Қазақстанда сыбайлас жемқорлықпен күрес үнемі алға басып келеді, бірақ бұл үдеріс әрдайым ұзақ әрі күрделі. Сондықтан мемлекет және қоғам бірігіп, осы мәселеге қарсы бірігуі тиіс.
Сыбайлас жемқорлыққа қарсы күрес тек құқықтық және әкімшілік шаралармен шектелмей, қоғамдағы барлық әлеуметтік топтардың ынтымақтастығын талап етеді. Мемлекеттік органдар, азаматтық қоғам, кәсіпкерлер және азаматтар сыбайлас жемқорлыққа қарсы күреске бірігіп, оның таралуын тоқтату үшін бар күш-жігерін салуы қажет. Бұл күрес қоғамның әділеттілік пен заңдылыққа деген сенімін нығайтуға мүмкіндік береді, сол арқылы мемлекеттердің даму жолын ашып, болашақта тұрақты даму мен әлеуметтік әділдікке қол жеткізуге жол ашады.
Ш.Аширмухамедова,
Жамбыл облысының мамандандырылған
ауданаралық экономикалық соты әкімшісінің бас маманы
Ұқсас жаңалықтар
