Жалпы, бүгінгі таңда егемен елімізде отбасылық саясатқа мемлекет тарапынан басты басымдық берілуде. Нәтижесінде, біздің елде бақытты отбасылардың саны күн санап артып келеді.  Өңірлік Қылмыстық-атқару жүйесі департаментіне бағынысты №26 түзеу мекемесі бақылаушылық қызмет бөлімінің аға бақылаушысы Мизам Бакировтың жанұясы да солардың қатарында.

Кейіпкеріміз Мизам Мамадович Жамбыл облысы, Жамбыл ауданына қарасты Айша бибі ауылында дүниеге келген. Ұлты – түрік азаматы қазақ және орыс тілдерін еркін меңгерген. ҚАЖ қызметкері 2018 жылдың қаңтар айынан бері құқық қорғау саласында еңбек етеді. 2011 жылы Наргиза есімді бойжеткенмен шаңырақ көтерген оның бұл күнде Билал атты перзенті бар.  Мизам мен Наргизаның ендігі арманы – көпбалалы ата-ана атану.