«Газет – халықтың көзі, құлағы һәм тілі. Адамға көз, құлақ, тіл қандай керек болса, халыққа газет сондай керек»
Ахмет Байтұрсынов

Президент Қордайда «Достық үйін» салуды тапсырды

Президент Қордайда «Достық үйін» салуды тапсырды
Автор
Мемлекет басшысы Қасым-Жомарт Тоқаев қатысқан Қазақстан халқы Ассамблеясының кезекті XXXIV сессиясының делегаты ретінде зор әсерге бөлендім. Президентіміз сессияда жасаған баяндамасында атап өткендей, Қазақстан халқы Ассамблеясы – мемлекеттілік пен бірліктің іргетасын нығайтатын негізгі институт. Сондай-ақ ҚХА мемлекеттік және қоғамдық құрылым жүйесіндегі рөлі бойынша ең алдымен мемлекеттік орган мен қоғамдық институттардың мүмкіндіктерін үйлестіретін этносаралық коммуникациялардың жалпыұлттық алаңы.

Президентіміз: «ҚХА әртүрлі мәдениеттің қатар дамуына және өзара қарым-қатынасына қатысты қағидаттарды сәтті жүзеге асырып келеді. Бұл – қазіргі әлемнің ең өзекті мәселесі. Сондықтан біз Ассамблеяны одан әрі дамытамыз. Оның жұмыс істеу тәсілдерін жетілдіріп, құрамын үнемі жаңартып отырамыз», деген болатын. Мемлекет басшысы сессияда аймақтардағы Ассамблея жұмысын жандандыру керектігін тапсырды.

Сондай-ақ кейбір өңірлерде «Достық үйін» ашу туралы да мәселені көтерді. Яғни, Президент өзге ұлт өкілдері тығыз қоныстанған өңірлерді атай келіп, соның ішінде облысымыздың Қордай ауданында да Қазақстан халқы Ассамблеясының «Достық үйін» ашу қажеттігін қозғады.

Жалпы, Қордай ауданында 160 мың адам тұрса, оның шамамен 40 пайызы өзге ұлт өкілдері. Сондықтан да онда «Достық үйін» ашу туралы ұсынысты Президентіміз дұрыс көтеріп отыр деп есептеймін. Бұл – халықтар достығы мен ынтымақ-бірлігін бұрынғыдан да арттыра түседі деген ойдамын.

 

Асқарбек АҚЫЛШАҰЛЫ

Қордай ауданының Құрметті азаматы, ҚХА Жамбыл облысы «Ақсақалдар» кеңесінің төрағасы

Ұқсас жаңалықтар