«Газет – халықтың көзі, құлағы һәм тілі. Адамға көз, құлақ, тіл қандай керек болса, халыққа газет сондай керек»
Ахмет Байтұрсынов

Аймақ басшысы азаматтарды қабылдады

Аймақ басшысы азаматтарды қабылдады
Автор
Облыс әкімі Ербол Қарашөкеев азаматтарды жеке мәселелері бойынша қабылдады.

Бұл жолы 11 тұрғын жұмыспен қамту, кәсіпкерлік, жер қатынастары, тұрғын үй-коммуналдық шаруашылық, мәдениет салаларына қатысты ұсыныс-тілектерін жеткізді. Өз кезегінде Ербол Қарашөкеев халық көтерген түйткілдердің назардан тыс қалмайтынын айтып, әрбір мәселенің шешімі табылғанға дейін жеке бақылауында болатынын атап өтті. Келіп түскен өтініштерді жан-жақты зерделеу мақсатында Тараз қаласы мен аудан әкімдеріне, сондай-ақ басқарма, департамент басшыларына бірқатар тапсырма жүктелді.

Еске сала кетейік, облыс әкімінің азаматтарды жеке мәселелері бойынша қабылдауы алдын ала жазылу арқылы тұрақты түрде жүргізіледі. Ол үшін тұрғындар «E-Otinish» ақпараттық жүйесі арқылы немесе Тараз қаласы, Абай даңғылы, 127 мекенжайында орналасқан «Азаматтарды қабылдау орталығына» келіп жазыла алады.

 

Облыс әкімінің баспасөз қызметі

Ұқсас жаңалықтар