Іс-шараға қатысқан облыстық және Байзақ аудандық филиалының қызметкелері мен «Жастар Рухы» жастар қанатының белсенділері Қызыл Жұлдыз және Қостөбе ауылдарының аралығында күре жолдың бойын күл-қоқыстан тазартып, айналаны абаттандыруға атсалысты.

Айта кетейік, тазалық акциясына 100-ден астам адам қатысты. Олар аудандық маңызы бар авто жолдың бойын тазартып, тұрғындарды айналаны таза ұстауға шақырды.

– Көктемгі тазалық шарасы – қоршаған ортамыз үшін маңызды. Себебі, қыстан қалған күл-қоқыстардан бөлек, тал-дарақтарды отау әр азаматтың борышы деп түсінемін. Бұл орайда, «Таза Бейсенбі» экологиялық акциясының алар орны ерекше. Баршамыз аптаның осы күні түрлі орындарды тазалап, ретке келтіруге атсалысып жүрміз. Әрі бұл бастамамыз баршаға үлгі болып жатыр. Бүгін де жол жиегін тазалап, ретке келтідік. Осы бағыттағы жұмыстарымызды алдағы уақытта да жалғастыра беретін боламыз, – дейді партия Жамбыл облыстық филиалы атқарушы хатшысының орынбасары Уалихан Болатбек.   

Тілге тиек ете кетерлігі, партияның бастамасы өткен жылдан бері жалғасын тауып келеді. Мәселен, 2024 жылы облыс көлемінде 10 мыңнан астам адамның қатысуымен, өзендер мен каналдар, мәдени мұра ескерткіштерінің орындарына тазалық жұмыстары жүргізіліп, 13 мың тоннадан астам қоқыстар жиналған. Ал, биыл 500-ден астам адам осы шараға қатысып, 15 тонна қоқыс тазалауға ықпал еткен.

Өңірде «Таза бейсенбі» акциясы әр апта сайын ұйымдастырыла беретін болады. Бұл акция – тек  қоқыс жинаумен шектелмейді, ол жаңа экологиялық ойлауды, халықтың экологиялық мәдениеті мен мінез-құлқын құруды, жаңа экологиялық әдеттердің пайда болуын бастауға мүмкіндік береді.