Облысымызға Еңбек және халықты әлеуметтік қорғау бірінші вице-министрі Ақмәди Сарбасов жұмыс сапарымен келді. Өңірдегі кәсіпорындардың жұмысымен танысып, жұмысшылармен кездесті. Жергілікті атқарушы органдардың өкілдерімен еңбек қауіпсіздігі және еңбекті қорғау саласындағы мәселелерді талқылады.
Тараз қаласындағы облыстық арнаулы әлеуметтік қызметтер көрсету балалар орталығына да тоқтаған Ақмәди Әділұлы мұндағы жұмыстың барысын көрді. Орталықты аралап, қызмет түрлерімен танысты. Облыс әкімдігі жұмыспен қамтуды үйле стіру және әлеуметтік бағдарламалар басқармасы басшысы Еркін Егемберді ұлының айтуынша, мұнда психоневрологиялық ауытқулары бар және тірек-қимыл аппараты бұзылған бір жарым жастан он сегіз жасқа дейінгі мүгедектігі бар балаларға жартылай стационар жағдайында арнаулы әлеуметтік қызметтер көрсетіледі. Бүгінде бұл орталықта 68 балаға оңалту қызметтері көрсетіледі. Екі қоғамдық көлік қызметке пайдалануда. Ақмәди Әділұлы балаларға көрсетілетін қызмет түрлеріне назар аударып, тәрбиешілермен пікір алмасты.
Іссапар қорытындысында вице-министр Ақмәди Сарбасов азаматтарды жеке қабылдап, мәселелерін тыңдады.
Қамар ҚАРАСАЕВА
Ұқсас жаңалықтар
