Іс-шара аясында қаламгер «Мейірім», «Жұлдызы биік Жуалы», «Апамның аялы алақаны», «Қолқанат» атты тарихи-танымдық шығармаларына кеңірек тоқталып, оқырман сұрақтарына жауап берді.

Әдеби-сазды кеш барысында «Aq jol» қоғамдық-саяси газетінің тілшісі, айтыскер ақын Есет Досалы кеш иесіне жүрекжарлы арнауын арнаса, кештің сыйлы қонағы, қаламгердің аяулы анасы Нұрғаным Рахымбекқызы ұйымдастырушыларға алғысын айтып, барша оқырмандарға ақжарма тілегін жеткізді.  

Аталған мектеп оқырмандары қаламгердің «Бейбітшілік құсы», «Жеті ата» әңгімелерінен көрініс қойып, өз өнерлерін ортаға салды. Сондай-ақ, жазушының құрметіне арнап «Балдырған» және «Жыл – он екі ай» республикалық журналдарының редакция алқалары құттықтауларын арнайы бейнебаянмен жолдады.

Кеш соңында кітапханашы «Балалар әлемінің бағбаны» атты кітап көрмесімен таныстырып, өнер көрсеткен оқырмандар алғыс хатпен марапатталды.