Биыл аймақта «Әулиеата – кітап оқитын өңір» бастамасы қолға алынып, жалпақ жұрттың назарын көркем сөзге аударып, өнеге тарату қарқын алып келеді. Барлық өнердің бастауы тіл деп білетін біздің халық қуанышты да, қайғыны да бір-ақ ауыз сөзбен жеткізіп, өмірін өлеңмен өргені, расында тапқырлық. Әрбір көркем туындының астарында терең тәрбие жататынын ескерсек, жасөспірімдерді кітап оқумен өсірудің нәтижесі жемісті болары анық. Осындай көтерген жүгі салмақты қазақ әдебиетін дамытуға үлес қосу үшін сөз өнеріне жақын бір топ жамбылдықтар 2023 жылы «Әулиеата шайырлары» шығармашылық бірлестігін құрған. Онда бір-бірінің көркем туындыларын оқып, талқылап, кем-кетігін түзеп, қазақтың әдебиеті мен өнерін дамытуға бірлесіп іс қылады.
Жақында осы шығармашылық бірлестіктің алғашқы жинағының таныстырылымы Қордай аудандық орталықтандырылған кітапханасында ұйымдастырылды.
– «Әулиеата шайырлары» шығармашылық бірлестігі облыстың ақын, жазушы, сазгер, әншілерінен құралған. Бүгінгі күні құрамында 48 қаламгер бар, оның ішінде 43 ақын болса, үшеуі прозашы, тағы үшеуі сазгер және бір әнші бар. Алғашқыда алты ақыннан құралған шығармашылық бірле стігіміздің құрамы күннен күнге артып келеді. Өткен жылы бес мүшайра өткіздік. Мүшәйра жеңімпаздары бірлестігіміздің Дипломымен, Алғыс хатымен марапатталып, есімдері бұқаралық ақпарат құралдарына жарияланды. Сондай-ақ, өткен жылдың желтоқсанында бірлестіктің бір жылдық құрылтайы мен алғашқы жинағының тұс ауке с ері Ш.Уәлиханов атындағы облыстық әмбебап ғылыми кітапханасында өткізілді. Жуырда ғана Мұқаға ли Мақатаевтың туған күнінде ақиық ақынға арна лған мүшайра ұйымдастырдық. Жеңімпаздарға бірлестіктің марапаттарымен бірге қаржылай сыйақы табыстадық. Бұйыртса, жақында балаларға арналған өлең, әңгімелердің жинағын шығаруды жоспарлап отырмыз. Кітапқа енгізілетін туындылар міндетті түрде көркемдік кеңестің талқысынан, сараптауынан өткізіледі. Мүшәйраларымызға қазылық ететін алқаға Қазақстан Жазушылар одағының мүшелері енгізіліп, нағыз шебер жазылған өлеңдер ғана іріктеледі. Алдағы уақытқа көздеп отырған басқа да жоспарларымыз бар, – дейді «Әулие ат а шайырлары» шығармашылық бірлестігінің басшысы Мұхит Есіркепов.
Бұл бірлестіктің құрамында облысымыздың тұрғындары болғанымен, ұйымдастыратын іс-шараларына көршіле с қырғыз елінің де ақын- жазушылары атсалысады. Ал, шығармашылық бірлестіктің негізгі көздегені – халықтың шығармашылығын дамытып, қазақ әдебиетін өрлетуге күш салу.
Қамар ҚАРАСАЕВА
Ұқсас жаңалықтар
