Мекеме агрономдарының ұйғаруымен қала аумағында, саябақтар мен жол жиектеріндегі ағаштарды күтіп-баптау, кесу, балақтау жұмыстары жүргізілуде.

Сонымен қат ар, қала аумағы кеңейіп, инфрақұрылым дамып келеді. Жуырда, 14 наурыздан бастап көпір құрылысы басталады. Қазіргі таңда мердігер «Қазақдорстрой» компаниясы болып анықталды. 34 жер теліміндегі нысандарды бұзу бойынша жұмыстар депутаттардың қолдауымен, тұрғындардың келісімімен басталуға жақын. Осыған орай, «Жасыл ел – Тараз» аталған аймақтағы талдарды басқа аумаққа көшіру жұмыстарын бастады. Сондай-ақ, қалған 28 жер телімінің иелерімен келісім жасалуда.

Бүгінде Абай даңғылы бойында Байзақ батыр көшесі мен Балуан Шолақ көшесі аралығында бірқатар тал- дарақтарға күтім көрсетіліп, көктемге дайындық шаралары жасалды. Кенесары көшесі, «Біз – біргеміз» монументі, монумент айналасы екі жағынан, «Мамыр саябағы», Арбат-1, Сыпатай батыр көшесі мен Аққозиев көшесі аралығы, «Үшбұлақ-2» жағалауы, Кенесары көшесі, онкологиялық аурухана алдындағы саябақтарына ағаштарға санитарлық жұмыстар жүргізілді. Сонымен қатар, аталған аумақтардағы бозарша, арша, қарағаш, үйеңкі талдары ауыстырылып, кейбіріне жаңғырту жұмыстары көрсетілді. Сондай-ақ, кейбір тіптен жарамсыз талдар кесілді.

Мекеме жұмысшылары тал балақтау, жасыл желекті көктемге даярлау жұмыстарын алдағы уақытта да белгіленген ережемен атқара бермек.

Тараз қаласының әкімдігі.