Жақында Тараз қаласында өткен байқауда да осындай межелі міндеттер назарға алынды. Партияның облыстық филиалында өткен байқаудың қалалық кезеңіне облыс орталығындағы 44 бастауыш партия ұйымы қатысты. Бұл сын үш санат бойынша, яғни, 1-ші санат – құрамында 100-ге дейін партия мүшесі бар, 2-ші санат – құрамында 100-ден 500- ге дейінгі партия мүшесі бар, 3-ші санат – құрамында 500 және одан да көп партия мүшесі бар бастауыш партия ұйымдары арасында өрбіді.

– Amanat партиясының трансформациясы аясында ішкі партиялық жұмыс тиімділігін арттыру – басты басымдықтарының бірі. Партия қоғамдағы барлық күшті біріктіруге ұмтылса, түрлі мекемелер мен ауылдық жерлерде бұл қызметті бастауыш ұйымдары атқаруда. Сондықтан, бастауыш партия ұйымдарының жұмысын жандандыру маңызды. Бұл орайда партия «Үздік баст ауыш партия ұйымы» байқауын ұйымдастырып отыр, – дейді Amanat партиясының облыстық филиалы атқарушы хатшысының орынбасары Уәлихан Болатбек.

Байқау барысында арнайы құрылған комиссия мүшелері сынға түскен ұйымдардың жұмыс тәжірибесін тарату, озық тәжірибені анықтау және ауқымын кеңейту, қоғамда партияның іс жүзіндегі жұмысы туралы объективті пікір қалыптастыру, партия қатарын нығайту жұмыстарын бағалады. Қорытындысында 3-тен 100- ге дейін партия мүшесі бар бастауыш партия ұйымының 1-ші санаты бойынша бірінші орынға «Салауат» ұйымы, екінші орынға «Әулиеата», үшінші орынға «Таразкоммуналтранскөлік» бастауыш ұйымы ие болды. Ал, 100-ден 500-ге дейін партия мүшесі бар ұйымдардың 2-ші санаты бойынша бірінші орынды «Алау » баст ауыш ұйымы, екінші орынды «Ұлан», үшінші орынды «Шипажай» партия ұйымы еншіледі. Сол секілді 500 және одан да көп партия мүшесі бар ұйымдардың санаты бойынша бірінші орынды «Арайстроймаркет-2003» ұйымы иеленсе, «Қазақстан темір жолы» екінші орыннан, «Жамбыл облыстық ауруханасы» бастауыш ұйымы үшінші орыннан көрінді.

Байқау соңында барлық қырынан үздік деп танылған бастауыш партия ұйымдары бағалы сыйлықтармен марапатталып, облыстық кезеңге жолдама алды.

Жүрсінгүл ЖАҚЫП