Барлық шұғыл медициналық көмек – МӘМС жүйесіндегі сақтандыру мәртебесіне қарамастан тегін медициналық көмектің кепілдік берілген көлемі шеңберінде тегін көрсетіледі. Созылмалы немесе әлеуметтік мәні бар аурудың өршуі, ЖРВИ белгілері немесе жарақаттар болған жағдайда тегін медициналық көмекке жүгінуге болады.
Қазақстандағы тегін медициналық көмектің кепілдік берілген көлемі бағдарламасы барлық азаматтарға сапалы медициналық көмектің кең спектріне қол жеткізуге мүмкіндік береді. Инсульт, стенокардия, артериялық гипертензия, астма, нефрит және тыныс алу, ас қорыту ағзаларының аурулары сияқты дерттерден зардап шегетін азаматтар мамандардың тұрақты қарап-тексерулерінен өтіп, мемлекеттің есебінен қажетті емдеу мен дәрі-дәрмекпен қамтамасыз етілуіне мүмкіндігі бар. Мұндай пациенттердің жағдайын динамикалық бақылау олардың өмір сүру сапасын едәуір жақсартады.
Бағдарламаның шеңберінде барлық инфекциялық аурулар кезінде медициналық көмек, паллиативтік көмек, сондай-ақ пациенттерді қан препараттарымен қамтамасыз ету жүзеге асырылады.
Қазақстандағы ТМККК бағдарламасы медициналық көмектің барлық деңгейлерінде денсаулық туралы кешенді қамқорлықты қамтамасыз ете отырып, барлық азаматтар үшін медициналық қызметтердің қолжетімділігі мен сапасын жақсартуға көмектеседі. Бұл барлық қазақстандықтар үшін салауатты болашақты қамтамасыз етудегі маңызды қадам.
Келесі 2026 жылдан бастап 13 әлеуметтік мәні бар ауруға күдік туындаған жағдайда тегін консультациялық-диагностикалық көмек көрсету жоспарлануда. Осылайша ел азаматтары тегін диагностикадан өтіп, патологияларды уақтылы анықтай алады. Бұл азаматтардың денсаулығын жақсартуға және созылмалы аурулары бар науқастар арасында мүгедектік деңгейін төмендетуге мүмкіндік береді.
Қамар ҚАРАСАЕВА
Ұқсас жаңалықтар
