Аудан әкімі Бақытжан Жәнібеков пәтер кілттерін салтанатты түрде табыстап, халықты тұрғын үймен қамтамасыз ету – басты міндеттердің бірі екенін айтты.

Баспана әлеуметтік осал топтар санатына жататын отбасылар мен көпбалалы аналарға берілді.

Жеті баланың анасы Перизат Бақытжанқызы көппен бірге қуанып, қоныс тойын тойлап отыр. Көпбалалы отбасы талай жылдан бері пәтер жалдап күн кешіп келген.

– Мемлекет қолдауының арқасында пәтерге қол жеткізіп отырмыз. Алғыстан басқа айтарымыз жоқ. Баспанасыз жүрген отбасыларға осындай қуаныш бұйырсын! – дейді аудан тұрғыны.

Айта кетейік, Шу ауданында 1 872 азамат тұрғын үй кезегінде тұр.

Облыс әкімінің баспасөз қызметі.