Тәуелсіздік күні қарсаңында Мойынқұм ауданы, Сарыөзек ауылында медициналық тірек халық игілігіне берілді. Медициналық тіректе профилактикалық, акушерлік және мануалдық терапия жасауға арналған кабинеттер бар және қажетті заманауи құрылғылармен қамтылған.
Салтанатты ашылу рәсімінде аудан әкімі Ермек Карентаев құттықтау сөз сөйлеп, тұрғындарға мықты денсаулық тіледі. Сондай-ақ, аудандық мәслихат төрағасы Нұртас Саурықов жаңа мекеменің ашылуы тұрғындардың дер кезінде емшара алуына айтарлықтай септігін тигізетінін атап өтті. Сарыөзек ауылдық ақсақалдар кеңесінің төрағасы Рысқұл Адашев осы ғимараттың құрылысына атсалысқан азаматтарға алғысын білдіріп, батасын берді. Бұдан кейін, ресми лента қию рәсімі өткізіліп, символикалық кілт табысталды.
Айта кетейік, Мойынқұм ауданында 23 денсаулық сақтау нысаны бар. Тәуелсіздік жылдарында салынған аталған нысандардың халық игілігін көріп келеді.
Нұрәбіназ МЫРЗАБЕК.
Мойынқұм ауданы
Ұқсас жаңалықтар
