Өңірлік коммуникациялар қызметінің алаңында «Жер учаскесінің кадастрлық (бағалау) құнын айқындау» тақырыбында брифинг өтті. Ауыл шаруашылығын қолға алып жүрген азаматтар үшін жер телімін сату аясында мемлекеттік қызмет алу үшін қалай өтініш беру туралы «Азаматтарға арналған үкімет» мемлекеттік корпорациясы» КЕАҚ облыс бойынша филиалының жерге орналастыру, геодезиялық жұмыстар және жылжымайтын мүлікті техникалық тексеру басқармасының басшысы Кенже Хамитов айтып берді.
–Кадастрлық (бағалау) құн-мемлекет жер учаскесін немесе оған жалдау құқығын сатқан кезде қолданылатын, инфляцияның жалпы деңгейі және оларға түзету коэффициенттері туралы ресми статистикалық ақпаратқа сәйкес кезең-кезеңімен нақтыланатын жер учаскелері үшін төлемақының базалық ставкалары негізінде айқындалатын жер учаскесінің есептік құны. Жер учаскесінің кадастрлық (бағалау) құнын айқындау Жер кодексімен және «Жер учаскесінің кадастрлық (бағалау) құнын айқындау» мемлекеттік қызмет көрсету қағидаларымен регламенттелген. Мемлекеттік қызметті алу үшін «Азаматтарға арналған үкімет» мемлекеттік корпорациясына немесе «электрондық үкіметтің» электрондық веб-порталына өтініш беру қажет. Бұл қызмет ақылы болып табылады, – дейді Кенже Ілиясұлы.
Нұрәбіназ МЫРЗАБЕК
Ұқсас жаңалықтар
