«Знамя труда» газеті – ғасырдан астам уақыт ішінде өз оқырманын қалыптастырған, өңірдің әлеуметтікэкономикалық, мәдени-рухани өмірінің шежіресіне айналған еліміздегі бірегей ақпарат құралдарының бірі.

Ұжым еліміздің тыныс-тіршілігінен ақпарат таратып, шын мәніндегі халықтың үні болып келе жатқаны барша оқырман қауымға белгілі. Соның ішінде қасиетті Әулиеата жеріндегі ағайынның барлық жасампаз істері мен жетістіктері облыстық басылымның бетінде қаттаулы тұр.

«Знамя труда» газетінің ғасырлық мерейтойында Мемлекет басшысы Қасым-Жомарт Тоқаев басылымға БАҚ саласындағы Алғысын жариялағаны жұртшылыққа мәлім. Бұл ұжымның үнемі үздіктердің қатарында келе жатқанына нақты дәлел. Газетте қызмет етіп, қолтаңбасын қалдырған аға буын мен замандас тілшілер арасынан елімізге белгілі көптеген қаламгерлер шықты. Сондықтан, сіздердің редакцияларыңызды шығармашылық шеберліктің ұстаханасы деуге толық негіз бар.

Бүгінгі жаңа медиа талаптарына сай қарқынды дамып келе жатқан газет ұжымындағы әріптестеріміздің деніне саулық, отбасыларына құт-береке, еңбектеріне шалқар шабыт пен зор табыс тілеймін.

Оқырмандарыңыз көп болсын!

Құрметпен, ҚР Президентінің кеңесшісі – Баспасөз хатшысы Берік УӘЛИ.