«Бізге Банктер туралы жаңа заң қажет. Бұл құжатта экономикалық белсенділікті қолдау және финтех саласын қарқынды дамыту сияқты өзекті мәселелер шешімін табуы керек. Қазір қолданып жүрген заң шамамен 30 жыл бұрын қабылданған. Ол кезде заман да мүлде басқа болды», – деді Президент өз баяндамасында.

Мемлекет басшысы ақша-несие саясаты мен фискалды саясаттың арасындағы үйлесімсіздікті жою қажет екенін алға тартты. Сондай-ақ, қазір нақты секторға несие әлі де ойдағыдай берілмей жатқанын ашық айтқан Мемлекет басшысы шағын және орта бизнесті жеткілікті қаржыландыру мәселесі дереу арада реттеуді тапсырды. Бұл жағдай еліміздегі іскерлік ортаның белсенділігіне, экономиканың тұрақтылығына және дәйекті дамуына кедергі келтіріп отырса керек.