Сарысуда Рәміздер күніне орай автошеру ұйымдастырылды

Сарысуда Рәміздер күніне орай автошеру ұйымдастырылды
Баспасөз қызметі
Сарысулықтар Мемлекеттік Рәміздер күнін ерекше атап өтті, деп хабарлайды aqjolgazet.kz

Күн ерте көк туын көкке көтерген қаршадай баладан қазыналы қарияға дейін орталық алаңға жиналып, әуезді Әнұранды бірге шырқады. Салтанатты жиынға қатысқан аудан әкімі Сәкен Мамытов айтулы мерекемен барша сарысулықтарды құттықтап, өскелең ұрпақты мемлекеттігіміздің негіздерін қашан да қастерлеуге үндеді. 

«Елтаңба, Ту, Гимн қазақ елінің барша болмысын, бүгіні мен ертеңін бойына сіңіріп, жүрегімізді мақтанышқа толтырады.  Отанның өзі нақ осы Тудан, Елтаңба және Гимннен бастау алады.  Сондықтан, рәміздерді жүрегіне басып, маңдайына тигізіп қадірлеу арқылы егемен елдің еңсесі биік азаматтары қалыптасады. Әнұранның орындалуы мен Көк байрақтың көтерілуі жастар бойындағы елге, жерге, Отанға деген сүйіспеншілігін оятып, патриоттық сезімдерін нығайта түсетіндігіне бек сенімдіміз», - деді аудан басшысы Сәкен Үмбетұлы өз құттықтауында.  

Патриоттық сипатқа ие іс-шара барысында бірқатар атқа қонған аудан азаматы моноқаланың басты көшелерімен көк байрағымызды алып өтті.

Сондай-ақ, шығын аудандардағы көпқабатты тұрғын үйлердің терезелеріне Мемлекеттік Ту ілініп, рәміздерге құрмет көрсетілді.

Ұқсас жаңалықтар