Қырғызстан мен Армениядан әкелінген автокөліктер Еуразиялық экономикалық одақта емін-еркін жүре алатын болады, - деп хабарлайды Tengrinews.kz тілшісі ҚР ІІМ әкімшілік полиция комитетінің баспасөз қызметіне сілтеме жасап.

"Еуразиялық экономикалық одақтың аумағында Армения Республикасынан 2015 жылдың 1 қаңтарынан бастап, ал Қырғызстаннан әкелінген автокөліктер 2015 жылдың 5 мамырынан бастап айналымда болады", - деп хабарлады ІІМ өкілдері.

Алайда, аталған көліктерді тіркеуге қою үшін, темір тұлпарлардың Кеден Одағының техникалық регламенттеріне сәйкестігін дәлелдеу қажет. ІІМ-нің мәліметінше, Одаққа мүше өзге елдерден әкелінген көліктер үшін сәйкестікті растау міндетті емес.

Ақпарат көзі tengrinews.kz