Жамбыл облысы бойынша Қылмыстық-атқару жүйесі департаментіне бағынысты №26 түзеу мекемесінде Ұлыстың ұлы күні – әз-Наурыз мерекесіне орай жазасын өтеушілердің арасында спорттық іс-шара өтті. Бұл күні сотталған азаматтар арқан тарту, қол күресі және асық ату ойындарынан өзара бақ сынасты. Олар жарыс барысында жақсы нәтижеге көрсетуге ұмтылып, белсенділік танытты. №26 түзеу мекемесінің бастығы, әділет подполковнигі Бағдат Байтуреев Наурыз мерекесінің жаңа тұжырымдамасы аясында сотталғандар азаматтардың қатысуымен спорттық-мәдени іс-шаралар кеңінен ұйымдастырылып жатқанын атап өтті. - Арнайы контингент өкілдері қоғамға бейімдеуде мәдени және спорттық іс-шаралардың алар орны ерекше. Бұған дейін мекеме ішінде өткен барлық шараларға қатысуда сотты болғандар белсенділік танытып келді. Ал, әз-Наурыз мерекесі қарсаңында ұйымдастырылған бүгінгі жарыста жазасын өтеушілер ерекше ықылас танытты. Дәстүрлі спорт түрлерінен сынға түскен олар жеңіске жету жолында алдарына жан салмады. Қателеспейтін пенде болмайды. Біздің міндетіміз – жазаға басқандарға жол көрсету, қоғамға қайта бейімдеу, - деді Б.Байтуреев. Сайыс соңында барлық қатысушылар марапатталып, сый-сияпат табыс етілді.