Жаңалықтар
Елімізде бағдаршамның сары түсі жанған кезде жолдан өтуге тыйым салынды
- author «Ақ жол»
- 6 наурыз, 2024
- 268
![Елімізде бағдаршамның сары түсі жанған кезде жолдан өтуге тыйым салынды](https://aqjolgazet.kz/uploads/resized-images/2024/03/190740.jpg)
Елімізде бағдаршамның сары түсі жанған кезде жолдан өтуге тыйым салынды
Елорда полициясы бағдаршамның сары сигналына өтуге тыйым салу туралы ескертті,- деп хабарлайды aqjolgazet.kz сайтының тілшісі kaz.inform.kz сайтына сілтеме жасап.
ІІМ баспасөз қызметінің мәліметінше, көбіне жол-көлік оқиғалары бағдаршамның сары түсі жанып тұрғанда өткен кезде болады. Бұл ретте жүргізушілерге Қазақстан Республикасы Жол қозғалысы ережелерінің 5-тарауының 24-тармағының 3-тармақшасына сәйкес бағдаршамның сары сигналы қозғалысқа тыйым салатынын, ал жыпылықтаған жасыл шам жақын арада тыйым салу сигналының шығатынын ескертеді. Мұндай бұзушылықтарды бейнебақылау камералары автоматты түрде тіркейтін болады.
«Осыған байланысты жүргізушілерді жолда сақ болып, жол ережесін сақтауға шақырамыз. Мәселен, соңғы бір жылда 3 мыңнан астам оқиға тіркелді. Жол-көлік оқиғалары бағдаршамның тыйым салынған сигналына (қызыл, сары) өтуі, оның ішінде сары сигналына өткені үшін болған. Соның салдарынан 6 адам қаза тауып, 246 адам жарақат алған. Жыл басынан бері 400-ге жуық жол апаты тіркелді», - деп хабарлады ІІМ баспасөз қызметі.
Ұқсас жаңалықтар
Мойынқұм ауданының әкімі тағайындалды
- 6 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді