Облыс әкімі Ербол Қарашөкеев азаматтарды жеке сұрақтары бойынша қабылдау өткізді. Қабылдауға Тараз қаласынан және Қордай, Меркі, Т.Рысқұлов, Байзақ, Жамбыл, Сарысу аудандарынан жазылған азаматтар бірқатар мәселелерді көтеріп, өтініштерін жеткізді. Атап айтсақ, тұрғындар көпқабатты тұрғын үй ауласын реттеу, баспана алу, жұмысқа орналасу, әлеуметтік көмек, мемлекет тарапынан бөлінетін грант сынды мәселелерді көтерді. Облыс әкімі азаматтардың өтініштеріне жіті көңіл бөліп, барлық мәселе заң аясында қарастырылатынын атап өтті. Бірқатар өтініштерді жан-жақты зерделеу үшін жауаптыларға нақты тапсырмалар берді.  

Облыс әкімінің баспасөз қызметі.