Жамбылда облыстық Қылмыстық-атқару жүйесі департаментінің бастығы, әділет подполковнигі Жәнібек Қосжановтың төрағалығымен 2023 жылы атқарған жұмыстар бойынша кеңес өтті. Басқосуда департаментке қарасты барлық мекемелер мен Тараз қалалық және аудандық пробация қызметтерінің жұмысы пысықталды. Сондай-ақ, жиында жауапты тұлғалар баяндама жасап, есеп берді.

Департамент бастығы Жәнібек Жамалбекұлы түзеу мекемелерінде заң талаптарын қатаң сақтауды, пробация есебінде тұрған азаматтарды бақылауда ұстау қажеттігін баса айтып, қоғам қауіпсіздігін қамтамасыз ету мақсатында жүйелі жұмыс істеуді тапсырды.