Жуырда Тараз қаласының әкімі Бақытжан Орынбеков жергілікті көпбалалы аналарға «Күміс алқаларын» табыс еткені белгілі. Салтанатты жиын барысында шаһар басшысы Бақытжан Әмірбекұлы сөз алып, аяулы аналарға ізгі тілегін арнады. Ол өз сөзінде мемлекет тарапынан демографиялық саясатқа айрықша мән берілгенін, нәтижесінде көне шаһардағы тұрғындар саны  430 мыңнан асып жығылғанын атап өтті. Жалпы, бұл күні 3 көпбалалы анаға Мемлекет басшысы Қасым-Жомарт Тоқаевтың Жарлығымен бекітілген «Күміс алқаға» ие болды. Марапатталған аяулы аналардың ішінде өңірлік ҚАЖ департаментіне бағынысты №26 түзеу мекемесінің қызметкері Кәмила Қарғабаева да бар. Айта кетейік, Кәмила Байқуатқызы аталған мекеменің тылдық қамтамасыз ету бөлімінде қойма меңгерушісі болып қызмет етеді.