Сарысу ауданының әкімі Қанатбек Мәдібектің демеушілігімен жарық көрген ақын Маралтай Райымбекұлының «Қаратау ғазалдары» атты жыр кітабының тұсаукесер рәсімі өтті. Ақын жинағының тұсаукесер рәсімінде аудан басшысы Қ.Мәдібек:

– Қазыналы Қаратауды жайлаған Сарысу ауданының тұрғындары өнерді қадірлеген киелі ел. Сондай-ақ, бұл Маралтай Райымбекұлының кіндік қаны тамған топырақ. Ақын шығармалары өзге тілдерге де аударылып, таралуда, – деп, ақын есімінің жерлестері үшін қашанда мәртебелі, мақтаныш екендігін тілге тиек етті. Кеш барысында ақынның сырлы да сұлу өлең жолдары тыңдаушы жүрегін баурап алды.

Сәулембай ӘБСАДЫҚҰЛЫ,  «Ақ жол».

Сарысу ауданы.