Мойынқұм ауданында мыс өндіріледі
Ресей Федерациясының Екатеринбург қаласында өткен «Иннопром-2023» халықаралық өнеркәсіптік көрмесі аясында ресейлік компаниялармен В2G кездесулер ұйымдастырылды. Ауқымды шараға облыс әкімінің орынбасары Қанатбек Мәдібек бастаған жамбылдық делегация да қатысты. Халықаралық көрме барысында Жамбыл облысының аумағында инвестициялық жобаларды іске асыруға өңдеу өнеркәсібі мен энергетиканың түрлі салаларындағы бірқатар ірі ресейлік компаниялар (Урал эластомерлік тығыздау зауыты, Piton Electric, «КОНАР» өнеркәсіптік тобы, «ЭНЭЛТ» компаниялар тобы және басқалар) қызығушылық танытты.
Ресейлік компанияларға өңіріміздің инвестициялық мүмкіндіктері таныстырылып, ұсынылды.
«Иннопром-2023» халықаралық өнеркәсіптік көрмесі шеңберіндегі келіссөздердің нәтижесінде Жамбыл облысының әкімдігі мен Урал құрылыс одағы арасындағы жалпы көлемі 66,8 миллион АҚШ долларын құрайтын Мойынқұм ауданында мыс өндіру бойынша инвестициялық жобаны іске
асыру туралы келісімшартқа қол қойылды.
Тікелей шетелдік инвестицияларды тартуға бағытталған жұмыстар жалғасатын
болады.
«Aq jol»-Aqparat.
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді