Облыс әкімі Нұржан Нұржігітов облыс тұрғындарын жеке сұрақтары бойынша қабылдады. Қабылдауға келген азаматтар бірқатар мәселелерді көтеріп, өтініштерін жеткізді. Атап айтқанда, Мойынқұм ауданынан келген Гүлжахан Рысқұлова Айдарлы ауылына мәдениет үйін салу, байзақтық Бағлан Укеева бизнес-идеяларын іске асыруға арналған грантқа қол жеткізу мәселелерін шешіп беруді сұрады. Қабылдауға жазылған басқа да азаматтар қайырымдылық көмек көрсету, көпқабатты тұрғын үй ауласын реттеу және өзге де мәселелерді көтерді. Облыс әкімі азаматтардың өтінішіне жіті көңіл бөліп, барлық мәселе заң аясында қарастырылатынын атап өтті. Бірқатар өтініштерді жан-жақты зерделеу үшін жауаптыларға нақты тапсырмалар жүктеді.  

Облыс әкімінің баспасөз қызметі