ЖАЙЫЛА БАСТАДЫ

Оқырмандардың есінде болса газетімізде осындай тақырыппен ұсыныс айтылған болатын. Ол көпшілік тарапынан қолдау тапты. Ең алдымен Тараз қалалық «Жамбыл-Тараз» газетінің бас редакторы Эльмира Мырза-Ғали бас болып әріптестерін Тәуелсіздік дастарханына шақырып, алғысына бөленді. Енді, міне, облыстық «Ақ жол» газетінің ұжымы да бір дастархан басына жиылып, мереке құрметіне қойылған дәмнен ауыз тиді. Ақ тілектер тиегін ағытты. Тәуелсіздік дастарханы әр ұжымда, әр отбасында осылайша мәңгілік жайыла берсін, ағайын!

«Ақ жол-Ақпарат».