Мемлекет және қоғам қайраткері, белгілі тұлға Бердібек Сапарбаевтың өмірден өтуіне байланысты отбасы мен жақындарына қайғыларына ортақтасып, көңіл айтамын. Бердібек Машбекұлы саналы ғұмырын еліміздің дамуына арнап, оның саяси және қоғамдық өміріне белсене атсалыса білді. Бірқатар облыстардың әкімі, ҚР Премьер-Министрінің орынбасары, министр лауазымдарында абыройлы қызмет атқарды. Жамбыл облысында да елеулі еңбек етіп, өңірдің өркендеуіне өз үлесін қосты. Осындай белгілі тұлғаның қазасын күйзеліспен қабылдадым. Марқұмның топырағы торқа болып, жаны жәннаттан орын алсын. Артында қалған ұрпағы, жақындары ғұмырлы болсын!  

Нұржан НҰРЖІГІТОВ,

облыс әкімі.