Әлеумет
Жамбыл облысында жаңа ауылдық мәдениет үйі пайдалануға берілді
- author «Ақ жол»
- 30 мамыр, 2023
- 262
Жамбыл облысында жаңа ауылдық мәдениет үйі пайдалануға берілді
Жамбыл облысы Байзақ ауданындағы Тегістік ауылында 90 орындық жаңа мәдениет үйі пайдалануға берілді.
Салтанатты шараға көпшілікпен бірге облыс әкімі Нұржан Нұржігітов, ҚР Мәдениет және спорт министрі Асхат Оралов қатысты.
Өз кезегінде министр ауылдықтарды қуанышымен құттықтап, өңірде мәдени нысандардың жыл санап артып келе жатқандығын, бұл бағыттағы жұмыстар жалғасатынын айрықша атап өтті.
Сондай-ақ, ауыл тұрғыны Мұхаметжан Садырқұлов тегістіктердің атынан ризашылығын жеткізіп, жаңа нысан ел игілігіне қызмет ететіне сенім білдірді.
Қонақтар мәдениет үйін аралап, кітапханамен танысты.
Айта кетейік, бүгінде облыс көлемінде мәдениет саласында 500-ден аса нысан халыққа қызмет көрсетуде десек, саланы дамыту үшін ағымдағы жылы 11,9 миллиард теңге қаралған.
Халықтың мәдени-рухани сұранысын қанағаттандыру мақсатында өткен жылы облыс көлемінде 4 нысанның құрылысы жүріп, 32 мәдениет нысаны күрделі және ағымдағы жөндеуден өткен. Биыл 14 мәдениет нысанның құрылысына бюджеттен 1,4 миллиард теңге қаржы қаралса, оның 9-ы жыл аяғына дейін пайдалануға беріледі. Сондай-ақ, 21 мәдениет нысаны күрделі және ағымдағы жөндеуден өтеді.
Қазіргі таңда Байзақ ауданындағы 47 мәдениет мекемесі халыққа қызмет көрсетуде. Аудандағы 109 үйірмеге 1 313 адам тартылған. Барлық кітапханалар 100 пайыз интернетке қосылған.
Жамбыл облысы әкімдігінің баспасөз қызметі
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді