Еліміздегі қолданыстағы заңға сәйкес сыбайлас жемқорлық фактілеріне қатыстылығы бар сотталған азаматтарға қатаң жаза қолданылатыны белгілі. Себебі, мемлекетке тиесілі қыруар қаржыны ешкімнің де талан-таражға салуына жол жоқ. Бүгін өңірлік Қылмыстық-атқару жүйесі департаментіне бағынысты №26 түзеу мекемесінде жазасын өтеген азаматшаға «Қақпа алдындағы кездесу» әлеуметтік жобасы аясында құқықтары мен міндеттері түсіндірілді. Бұл күні ҚАЖ қызметкерлері сотты болған азаматша мемлекет тарапынан көрсетілетін көмектер жөнінде кеңінен ақпарат беріп, еркін өмірде қылмыс жасамауға шақырды.