Өңірлік Қылмыстық-атқару жүйесі департаментіне бағынысты №26 түзеу мекемесінде «Қақпа алдындағы кездесу» жобасы іске асырылды. Бұл күні аталған түзеу мекемесінен 1989 жылы туылған ер адам шартты түрде мерзімінен босатылды. Ол былтыр ҚР Қылмыстық Кодексінің 346 бабының 2 бөлігімен кінәлі деп танылып, сот шешімімен 2 жыл мерзімге бас бостандығынан айырылған еді. Жоба аясында сотталған азаматқа құқықтары мен міндеттері түсіндіріліп, қайта қылмысқа бармауы ескертілді. Өз кезегінде еркіндікке жолдама алған ер адам бұдан әрі қателікке бой алдырмауға тырысатынын жеткізді.