АСТАНА. ҚазАқпарат - Қазақстан-қытай мемлекеттік шекарасындағы «Қорғас» бақылау-өткізу бекетінің шекара наряды 3,5 центнер құс етін заңсыз өткізбек болған азаматтың жолын кесті, деп хабарлайды ҚР ҰҚК ШҚ баспасөз қызметінен.

26 жастағы Қазақстан азаматы Қытай жерінен 360 келі үйрек етін заңсыз алып өтуге тырысты. Бұл туралы «Қорғастағы» кедендік бақылау бекетінің ветеринарлық-карантиндік қызметі хабарландырылды.

Осы күні 10000 АҚШ долларын, 103 500 теңгені, 1397 юаньды шекарадан алып өтпек болған 37 жастағы Қазақстан азаматы ұсталды. Ол Қазақстаннан Қытайға рейстік автобуспен кетіп барады екен.

Аталған деректер бойынша тергеу амалдары жүргізілуде.

kazinform.kz