![Мамандық таңдау – маңызды іс](https://aqjolgazet.kz/uploads/resized-images/2023/03/e715de3c-a0a9-469b-b577-44245c5e5497.jpeg)
Мамандық таңдау – маңызды іс
Бейінді-бағдарлы білім беру жүйесі – жоғары сынып оқушыларына арналған, мемлекеттік және қоғамдық мүдделерге, жеке тұлғаның мүддесіне, жасөспірімнің жас ерекшеліктеріне және білім беру саласындағы әлемдік ағымдарға сай келетін оқыту жүйесін ұйымдастырудың анағұрлым тиімді формасы. Себебі, мамандық таңдау – адам өміріндегі ең жауапты кезеңдердің бірі, өйткені бүкіл болашақ өмірі осыған байланысты. Келешекте өкінбеу үшін бұл мәселеге немқұрайлы қарауға болмайды. Мамандық таңдау – оқушының өмір жолын анықтайтын шешуші сәт. Ең бастысы, таңдалған мамандық ләззат әкелуі керек. Уақытымыздың көп бөлігін жұмысқа арнағандықтан, ол біздің мүдделеріміз бен мүмкіндіктерімізге сәйкес келіп, қуаныш әкелгенін қалаймыз. Барлық мамандықтар өте маңызды, кейбіреулері математикалық қабілеттілікті, басқалары шығармашылықты, ал үшіншілері физикалық дайындықты қажет етеді. Өмірде бәрі өзара байланыста болғандықтан, дұрыс таңдалған мамандық өмірдің барлық салаларына әсер етеді. Таңдау қаншалықты сәтті болса, өмір жолы соншалықты қызықты және табысты болады.
Мамандық таңдауда 3 нәрсені ескеру керек. Бірінші, таңдаған мамандығына қызығушылығы мен икемі болған жөн. Екіншісі, болашақ мамандықтың қоғамдағы рөліне аса назар аудару керек. Бұл адамның жұмыс табуына көмектеседі. Үшінші, мамандықтың сапасына да назар аудару қажет. Осы үш қағиданы ескерсе, оқушылар мамандық таңдаудан шатаспайды.
Қоғам дамып, алға озған сайын өміріміз күрделеніп, неше түрлі мамандықтар пайда болып жатыр. Сондықтан оқушыларды мамандық таңдаудың мақсат-міндеттерімен жете таныстыру – үлкен жауапкершілік.
Осындай мақсатпен мектебімізде «Мамандық таңдаудың маңыздылығы» атты кездесу өтті. Кездесуді №47 орта мектеп директоры Айжан Абдешова ашып берді. Кездесуге Жамбыл политехникалық колледжінің ағылшын тілі пәнінің оқытушысы Дина Сүлейменова мен Нұрсұлу Бейсейітова және «Тараз сервис және технология колледжі» шаштараз өнері мамандығының өндірістік оқыту шебері Жанерке Жұмабекова қатысты.
9-сынып оқушыларына директордың оқу ісі жөніндегі орынбасары Гүлнар Нұрбекова мамандық туралы түсінік берді. Оқушылар мамандыққа қатысты сұрақтарын қойды. Басқосуды қорытындылаған кәсіптік мамандыққа бағыт-бағдар беруші педагог Ләззат Калиева бейнекөрініс көрсетіп, тақырыптың маңыздылығына тоқталды.
Гүлнар НҰРБЕКОВА,
№47 орта мектеп директорының оқу ісі жөніндегі орынбасары.
Тараз қаласы
Ұқсас жаңалықтар
Саналы ұрпақ сап түзеген салтанат
- 3 қыркүйек, 2024
Жаңа жетістіктерге жол бастаған күн
- 3 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді