Біздің елде еңбек ететін немесе демалысқа келген әрбір шетел азаматы Қазақстан Республикасының заңдарын қатаң сақтауы тиіс. Олай болмағанда, өзге елдің азаматтары жауапкершілікке тартылмақ. Жамбыл облысы бойынша Қылмыстық-атқару жүйесі департаментіне бағынысты №26 түзеу мекемесінде ел заңына құлақ аспаған Пәкістан азаматы жазасын өтеген болатын. ҚАЖ қызметкерлерінің жергілікті органдармен жұмыс істеуінің нәтижесінде ол еліне қайтарылды. Айта кетейік, ҚАЖ қызметкерлері Ұлттық қауіпсіздік комитеті және көші-қон полициясымен тығыз қарым-қатынаста жұмыс істейді.