Үстіміздегі жылдың 1 желтоқсанынан бастап облыста алғашқы ақпарат агенттігі жұмыс істей бастайды. «Zhambyl News» ақпарат агенттігі (www.zhambylnews.kz) облыстың тыныс-тіршілігін аймағымыздан бөлек, республикаға тарататын болады.

«Zhambyl News» - облыстағы алғашқы екі тілде ақпарат тарататын бұқаралық ақпарат құралы болмақ, алдағы уақытта ағылшын тіліндегі нұсқасын қосу да жоспарда бар. Жаңа сайттың «Мәдениет», «Экономика», «ТВ», «Қоғам», «Бизнес», «Журналистік зерттеу», «Сұхбат», «Спорт» айдарлары бар. Бұдан бөлек, «ТВ» айдарында келесі жылдан бастап бейнесұхбаттар, бейнежаңалықтар, арнайы репортаждар әзірленеді деп күтілуде. Сондай-ақ, ақпарат агенттігінің ресми сайтында облыстың рухани өміріне де көңіл бөлінбек, оның ішінде, төл әдебиетіміздің тың туындыларына шолу жасалып, еліміздің қаламгерлерімен қызықты сұхбаттар да даярланып, олардың ой-пікірлері де жарияланып тұрмақ. Қазіргі уақытта ақпарат агенттігінің ресми сайты тесттік режімде жұмыс істеуде. Сұрақтар мен кеңестер беру үшін келесі электронды поштаға жазуға болады: zhambylnews@mail.ru.