Мемлекет әлеуметтік жәрдемақы алатын адамдардың барлық санаттарына төлемдерді жыл сайын көтеріп отырады. Келер жылдың басынан бастап сол үрдіс жалғасын таппақ. Ендеше, «барлық қаражат «ЭКСПО-2017-ге кетіп жатыр екен», «Ақ олимпиада Алматыда өтетін болса, жәрдемақылар азаяды» деген желсөзге желігудің қажеті жоқ. Мемлекет қашанда адамдарға қамқорлық аясын кеңіте түспек. Оған көз жеткізу үшін келесі кестеге қараңыз. «2015-2017 жылдарға республикалық бюджет туралы» Қазақстан Республикасының заң жобасына келесідей көрсеткіштерді белгілеу қарастырылуда: Күнкөріс деңгейі (КД) – 21364 теңге. Айлық есептік көрсеткіш – 1982 теңге. Арнаулы мемлекеттік жәрдемақы мөлшерін 7 пайызға өсіруді қамтамасыз ету мақсатында (жеңілдікті арнаулы мемлекеттік жәрдемақымен ауыстырған) 2014 жылы 1 қаңтардан арнаулы мемлекеттік жәрдемақыны тағайындау және көбейту үшін айлық есептік көрсеткіш 1982 теңгеден жүргізіледі. Толық еңбек өтілі үшін зейнетақының ең төменгі мөлшері (2015 жылдан тағайындау үшін) – 23 692 теңге. Базалық зейнетақы төлемі – 11 182 теңге. 2015 жылдан зейнетақы төлемін 9% арттыру қарастырылуда. 2015 жылғы 1 қаңтардан бастап зейнетақы төлемдерін есептеу үшін ең жоғары табыс 41 еселенген айлық есептік көрсеткішті құрады. 2015 жылғы 1 қаңтардан жаңадан есептелетін зейнетақы төлемдерін есептеуге арналған ең жоғары табыс 81 262 теңгені құрайды. Сондай-ақ, 2015 жылғы 1 қаңтардан күнкөріс деңгейінің және айлық есептік көрсеткіштің өзгеруіне сәйкес, мүгедектігі бойынша, асыраушысынан айырылуына байланысты және жасына байланысты мемлекеттік базалық әлеуметтік жәрдемақылар, №1 және №2 тізім бойынша мемлекеттік арнаулы жәрдемақы мөлшері көбейтіледі, 2015 жылғы 1 шілдеден күнкөріс деңгейінің еселенген өзгерісімен есептеледі. Райхан Назарова, облыстық бақылау және әлеуметтік қорғау департаменті зейнетақымен қамсыздандыру бөлімінің басшысы.